मोरङ, पौष १२ गते ।
मोरङ जिल्लाको रंगेलीमा शनिबार भएको मोटरसाइकल दुर्घटनामा घाइते एक युवकको उपचारकाक्रममा मृत्यु भएको छ।
को. ५ प ७७५३ र को. १२ प ६०६ नम्बरको मोटरसाइकल एक आपसमा ठोक्किएर गम्भिर घाइते भएका मोरङ दर्वेशा ९ बस्ने २५ वर्षिय मनोज कटुवालको आज बिहान उपचारकाक्रममा मृत्यु भएको हो।
दुबै मोटरसाइकल शनिबार सांझ ६ बजेतिर रंगेली नगरपालिका ५ स्थित रंगेली-बिराटनगर सडक खण्डमा एक आपसमा ठोक्किएको थियो।
को. १२ प ६०६ नम्बरको मोटरसाइकल पछाडी सवार कटुवाललाई उपचारकालागि न्युरो अस्पताल बिराटनगर ल्याइएको थियो।
