मोरङ, पौष १९ गते ।
मोरङ जिल्लाको बिराटनगरमा भारतीय लहरीको ठक्करबाट आईतबार अपरान्ह दुई जनाको मृत्यु भएको छ।
बिराटनगर ४ स्थित कोशी राजमार्गमा इटहरीबाट बिराटनगर आउदै गरेको NL-01-D-3330 नम्बरको लहरीले को. १० प ९६५२ नम्बरको मोटरसाइकललाई ठक्कर दिंदा मोटरसाइकलमा सवार दुबै जनाको मृत्यु भएको हो।
मृत्यु हुनेमा मोटरसाइकलकाल चालक मोरङ बिराटनगर १७ का ६० वर्षिय पवन यादव र पछाडी सवार सप्तरी मल्हनिया बस्ने ६५ वर्षका सरजु यादव छन्। मोटरसाइकल चालक यादवको घटनास्थलमै मृत्यु भएको थियो भने पछाडी बसेका यादवलाई उपचारकालागि लैजनेक्रममा मृत्यु भएको हो।
लहरी जिल्ला प्रहरी कार्यालय मोरङको नियन्त्रणमा छ भने चालक फरार रहेकाले खोजी भइरहेको छ।
