बिराटनगर फाल्गुन ५ ,
हाल बिराटनगर लगायत नेपालका विभिन्न हलमा चलिरहेको नेपाली चलचित्र प्रेमगीतले दर्शकको मन जित्दै राम्रो व्यापार गरिरहेको छ । नेपाली चलचित्रलाई राम्रो हुदैन भन्ने दर्शक पनि हल सम्म ल्याउन सफल भएको छ । बिराटनगरका दुईवटा हलमा चलिरहेको उक्त चलचित्र हेर्न दर्शकको उल्लेखनीय उपस्थित रहेको छ । मंगलबार बिराटनगर स्थित हिमालय टांकिजमा हामी पुग्दा हलबाट दर्शक आँखाबाट आँसु झार्दै निस्केको देखियो । धेरै पछि राम्रो नेपाली चलचित्र हेर्न पाएको चलचित्र हेरेर निस्केका पंकज मास्केले बताए । बिराटनगरमा जस्तै नेपालका अन्य ठाउँमा समेल चलचित्रले निकै राम्रो व्यापार गर्दै आएको छ ।
