बिराटनगर फाल्गुन ६ , विराटनगर ११ की १८ बर्षिय मेघा कार्कीले दुर्घटनामा आफ्नो दुनै हात गुमाएको समाचार पढेर अस्ट्रेलियामा रहेका नेपालीहरुले सहयोगको वाचा गरेका छन् । छतमा जादा करेन्ट लागेर ढलेपछि उनलाई न्युरो अस्पताल भर्ना गरियो । न्यूरोले उपचार गर्न नसक्ने भएपछि विपि कोइराला स्वास्थ्य विज्ञान प्रतिष्ठान धरान लगिएको थियो । तर धरानमा जटिल केस भएको भन्दै उपचार सम्भव नभएपछि काठमाण्डौ टिचिङ हस्पिटलमा लगिएको थियो । करेन्ट लागेको दुई दिनपछि पुस २७ गते सोमवार अस्पतालले दुवै हात काम नलाग्नै भन्दै काटेर फ्यालिदिए ।
सामान्य परिवारकी उनको दुवै हात काटिए पछि अहिले उपचारमा समस्या भएको समाचार आवर बिराटनगर डट नेटले लगायत अन्य मिडियाले सम्प्रेसन गरेको थियो । अस्ट्रेलियामा बस्ने सुनिल श्रेष्ठले हामीलाई सम्पर्क गरि सहयोगको लागि उनको परिवारको सम्पर्क माग्नु भएको थियो । अस्ट्रेलियामा बस्ने बिराटनगर का युवाहरुको सस्था लाफिंग रेनबोले आफ्नो पहिलो कार्यक्रमबाट उठेको रकम मेघालाई सहयोग गर्ने र अन्य ठाउँबाट पनि सहयोग गरिने बताउनुभयो ।
यस्तै काठमान्डौको सस्थाहार्ट बिटले पनि मेघाको लागि सहयोग संकलन गर्ने बताएको छ ।
सहयोग गर्न : ९८४२४६६१०५ पर्शुराम घिमिरे (उनका बुवा)
