बिराटनगर फाल्गुन १० , बिराटनगरको ट्राफिक व्यवस्थापनमा समस्या भएको भन्दै बिराटनगरका सिटी रिक्सालाई नियमन गर्न थालिएको छ । प्रशासनले बिना दर्ता सञ्चालनमा रहेका सवारीलाई कार्वाही गर्न थालेपछि व्यवसायीहरूले विरोध जनाएका छन । कि नम्बर देउ , होइन चने जागिर देउ भन्दै सिटी रिक्सा चालक आन्दोलित भएका छन । बिराटनगर उपमहानगरपालिकाले बिराटनगरका भित्री सडकमा कुद्ने गरि तीन सय सफारीलाइ दर्ताकालागि सिफारिस गरेको थियो । डेढ बर्ष अघिदेखि सिफारिस बन्द गरेको उपमहानगरपालिकाले पुन दर्ताका लागि सिफारिस गरेको छैन । बिराटनगर उपमहानगरपालिका तत्काल दर्ता गर्न नसक्ने बताउछ भने बजारमा सिटी सफारी बिक्री भईरहेको छ । यस्तो अवस्थामा ट्राफिकले बिना दर्ता चल्न नदिने र प्रशासनले दर्ता गर्न नमानेपछि समस्यामा चालक र व्यवसायी परेका छन । सिटी सफारी चलाएर नै दैनिक गुजारा चलाउने चालकलाई गरिखान समस्या भएको छ ।
