बिराटनगर फाल्गुन २६
मिस पुर्वेली सुपर मोडलको ताज मोनिका लिम्बूले जित्न सफल भएकी छिन । मंगलबार फन एण्ड फुड भिलेजमा सम्पन्न फाइनलमा लिम्बुले ताज जितेकी थिइन । प्रतियोगितामा पहिलो रनरअप असिमा चापागाईं र दोस्रो रनरअप काजल कर्ण घोषित भएका छन् । बिजेता लिम्बुले टिभिएस स्कुटी लगायत अन्य पुरस्कार जितेकी छिन । एवान इन्टरटेनमेन्टको आयोजनामा भएको कार्यक्रममा प्रमुख अतिथिको रुपमा बरिष्ठ उद्योगपति सुरेन्द्र गोल्छा साथै मुख्य निर्णयकको रुपमा नायक जीवन लुइँटेलको उपस्थिति रहेको थियो साथै अन्य राष्ट्रिय स्तरका कलाकारहरुमा नाइँ नभन्नु ल ४ कि नायिका वर्षा राउत , गायक कमल के क्षेत्री , नायक संजोक कोइराला पनि कार्यक्रममा सहभागी थिए । कार्यक्रम संचालन सगरमाथा टिभीमा प्रसारण हुने " प्ये इट अन" का रोशन लामाले गरेका थिए भने कार्यक्रममा गायक कमल के क्षेत्रीको बेजोड प्रस्तुति रहेको थियो ।
