महामन्त्रीमा विजयी भएका कोइराला मेडिकल डाक्टर हुन्। उनी नवलपरासी १ बाट प्रत्यक्षतर्फ विजयी सांसद समेत हुन्।
लोकतान्त्रिक पद्धतिद्वारा कांग्रेस पदाधिकारीमा चयन भएका शशांक कांग्रेसका संस्थापक नेता वीपी कोइरालाका पुत्र हुन्। नेपाली कांग्रेसको वैचारिक धरातल वीपी कोइराला नै रहेको नेताहरु बताउँछन्।
कृष्ण सिटौला प्यानलबाट महामन्त्री पदमा प्रत्यासी बनेका गगनकुमार थापाले ५८४ मतमा चित्त बुझाए।
आइतबार राष्ट्रिय सभा गृहमा भएको मतदानमा कूल खसको ३ हजार १४८ मत खसेको थियो।
दोस्रो चरणको निर्वाचनमबाट सभापति चयन गरिसकेपछि आज बिहान १:३० बजेदेखि महामन्त्री तथा कोषाध्यक्षको मतगणना सुरु गरिएको थियो। सोमबार भएको दोस्रो चरणको निर्वाचनबाट शेरबहादुर देउवा कांग्रेस सभापति पदमा निर्वाचित भएका थिए।
