नेपाल प्रहरीको प्रहरी जवान पदमा भर्ना हुन पूर्वाञ्चलको १६ जिल्लाबाट पाँच हजार सात सय जनाले आवेदन दिएका छन् । पूर्व क्षेत्रीय प्रहरी तालिम केन्द्र भर्ना छनौट शाखाका प्रहरी निरीक्षक देवी प्रसाद बरालले जनाए अनुसार कुल चार हजार सात सय तिन पुरुष र नौ सय सन्तानब्बे महिलाले प्रहरीमा भर्ना हुन आवेदन दिएका हुन्। गत माघ २४ देखि फागुन ३० गतेसम्म अधिराज्य भरि कुल ५ हजार ४ सय ४४ जनाको लागी दरखास्त आव्हान गरिएको दिइएको थियो। भर्ना खुलेसँगै आवेदन बुझाउनकालागि पूर्वाञ्चल बिकास क्षेत्रको १६ वटै जिल्ला प्रहरी कार्यालयहरू तथा क्षेत्रीय तालिम केन्द्र बिराटनगरमा स्थान तोकिएको थियो।
सबैभन्दा बढी पूर्व क्षेत्रीय प्रहरी तालिम केन्द्र रानीमा आवेदन परेको छ। प्रहरी निरीक्षक बरालका अनुसार तालिम केन्द्रमा एक हजार नौ सय चालिस जनाले भर्नाकालागि आवेदन दिएका छन्।
