प्रेम देवान
विराटनगर २ चैत्र । मोरङ्गको पुरानो सदरमुकाम रंगेलीमा भारतीय नम्बर प्लेटका गाडीहरु नियन्त्रण गर्न माग गर्दे रंगेली इकाइ स्वतन्त्र मजदुर संगठनले जिल्ला प्रशासन कार्यालय मोरङमा ज्ञापन पत्र बुझाएक छन् ।
५० वटा मारुती भ्यान सहित दक्षिणपुर्वी मोरङको ग्रामीण क्षेत्रबाट विराटनगर आएरका उनीहरुले मोरङका सहायक प्रमुख जिल्ला अधिकारी देवी बहादुर भण्डारीलाई ज्ञापन पत्र बुझाएका हुन ।
रंगेली इकाइ स्वतन्त्र मजदुर संगठनले गैरकानुनी रुपमा भारतीय नम्बर प्लेटका गाडीहरु भन्सार नकाटी खुल्ला नाकाको फाइदा उठाउदै गैरकानुनी रुपमा भारतीय नम्बर प्लेटका गाडीहरु नेपाल प्रवेश गरी खुल्ला रुपमा व्यावसाय संचालन गरेकाले तत्काल नियन्त्रण गर्न उनीहरुले माग गरेका छन् ।
ज्ञापन पत्र बुझदै मोरङका सहायक प्रमुख जिल्ला अधिकारी देवी बहादुर भण्डारीले भारतीय नम्बर प्लेटका गाडीहरुलाई नियन्त्रण गर्न लागि बैठक बसी त्यसको तत्काल समाधान खोजीने बताउनुभयो ।
