आवर विराटनगर डटनेटलाई आगामी अगस्टमा स्विडेनमा आयोजना हुने अन्तराष्ट्रिय सोसियल नेटवर्क सम्मिट (International Social Network Summit 2016) मा सोसियल रेस्पोन्सिबिलिटि बिधा अन्तर्गत एशिया भरिको उत्कृष्ठ वेबसाईटका रुपमा सम्मान गरिने भएको छ ।
विराटनगरमा सन् २०११ देखि सुरु भएको आवर विराटनगरले यस क्षेत्रमा भईरहेका विकास निर्माण र जनताको सुरक्षाका विषयमा अनलाईनको प्रयोग गरि सचेतना गराएको र त्यसले सकारात्मक नतिजा निकालेको भन्दै सम्मान गर्न लागिएको ISNS का रिजिनल कोअर्डिनेटर रिचार्ड जोनसनले आफ्नो ट्विटमा जनाएका छन् । 'हामी निक्कै उत्साहित छौं । अझ धेरै गर्ने प्रोत्साहन मिलेको छ' आवर विराटनगरका निर्देशक विवेक दाहालले बताए । उनले बताए अनुसार चाँडै भिसा अप्लाई गर्ने र पाए अवार्ड थाप्नका लागि उनी सहित सम्पादक सरोज कार्की र प्रयास दाहाल जुलाई महिनाको अन्तिम साता स्विडेन उड्ने छन् । 'यो देशकै सम्मान हो । युवाहरु पनि सक्षम छन् भन्ने प्रमाणित भएको छ । ' सम्पादक कार्कीले बताए । उनले भारतको केरला, बैंङलोर, कट्टक, दिल्ली सहित अमेरिकाका विभीन्न क्षेत्रमा आयोजित कार्यक्रमहरुमा यस अघी देशलाई प्रतिनिधीत्व गरिसकेका छन् । कम्प्युटर एशोसिएशन मोरङका अध्यक्ष निर्मल तामाङले यस समाचारले आफुलाई निक्कै खुसी बनाएको बताउदै, आवर विराटनगरको टोलीले यो अवार्ड जित्नु विराटनगरसँगै नेपालकै गर्वको विषय भएको सुनाए ।
४ महिना अघि खुलेको आवेदनमा विश्व भरिबाट सयौं अनलाईनहरुले सहभागिता जनाएका थिए । ति सबैलाई पछि पार्दै आवर विराटनगर एशियाबाट प्रथम भएको ISNS ले आफ्नो वेबसाईटमा जनाएको छ । हेर्नुहोस् ISNS को आधिकारिक वेबसाईटमा उसले गरेको घोषणा
