बिराटनगर, बैशाख १६
अदालतबाट कैद तथा जरिवाना सजाय भई फरार रहेका प्रतिवादीहरु पक्राउ गर्ने सिलसिलामा क्षेत्रीय अनसन्धान समुहले चोरी मुद्दाका फरार एक जनालाई पक्राउ गरेको छ।
पक्राउ पर्नेमा मोरङ बुधनगर गाविस ६ का रुपेश कुमार यादव रहेको क्षेत्रीय प्रहरी कार्यालय बिराटनगरका प्रहरी नायव उपरीक्षक कृष्ण पगेनीले बताउनु भयो।
यादवलाई क्षेत्रीय अनुसन्धान समुहबाट खटिएको टोलीले बिशेष सुराकी परिचालन गरी बिराटनगर ९ बाट पक्राउ गरेको हो।
यादव उपर सम्मानित जिल्ला अदालत मोरङले मिति २०७१।१।२९ गते चोरी मुद्दामा एक महिना कैद तथा एक लाख असी हजार जरिवाना फैसला गरेको थियो। फैसला संगै उनी फरार थिए।
पक्राउ परेका यादवलाई आजै सम्मानित जिल्ला अदालत मोरङमा उपस्थित गराई तोकिएको कैद सजाय भुक्तानकालागी मोरङ कारागार पठाईएको प्रनाउ पगेनीले जनाउनु भयो।
