विराटनगर वैशाख २० । मधेसी जनअधिकार फोरम लोकतान्त्रिकको महाधिवेशनमा सहभागी हुने कार्यकर्ता चढेको बस सप्तरीको कञ्चनरुप नगरपालिकामा दुर्घटना हुँदा ३२ जना घाइते भएका छन् ।
धनगढीबाट विराटनगर गइरहेको ना४ख ९७४६ नम्वरको बस दुर्घटनामा परेको हो ।
घाइतेमध्ये धनगढी नगरपालिका–१६ का विमला चौधरी, रामप्रसाद चौधरी, सिरिया चौधरी र हरिकृष्ण चौधरीको अवस्था गम्भीर छ । उनीहरुलाई उपचारका लागि विराटनगर लगिएको छ ।
सडकमा हिँडिरहेको गाईलाई बचाउने क्रममा बस दुर्घटना भएको प्रहरीले जनाएको छ ।
