एकीकृत नेकपा माओवादीका अध्यक्ष पुष्पकमल दाहालले राष्ट्रिय सहमति,एकता र सहकार्य अहिलेको आवश्यकता रहेको बताउनुभएको छ ।
विराटनगर विमानस्थलमा आज दिउँसो सञ्चारकर्मीहरुसँग कुराकानी गर्दै उहांले असन्तुष्ट पक्षहरुका मागलाई सम्बोधन गर्न र मुलुकको चूनौतिहरुको सामना गर्न राष्ट्रिय एकता आवश्यक रहेको बताउनुभयो । सरकार परिवर्तनको विषयमा अहिले कुनै सोचाई नरहेको उल्लेख गर्दै उहांले संविधान कार्यान्यवन र पुर्ननिर्माण तर्फ सबै केन्द्रीत हुनुपर्ने बताउनुभयो । उहांले सरकारको कामको विषयमा समीक्षा हुने उल्लेख गर्दै भोलिदेखि संसदमा विभिन्न विषयमा छलफल हुने बताउनुभयो ।
सञ्चारकर्मीहरुको जिज्ञासामा उहाँले वेलायतको संसदमा नेपालको विषयमा छलफल चलेको विषय आपूलाई स्वभाविक नलागेको भन्दै नेपालको आन्तरिक मामिलामा बोल्नु राम्रो नभएको बताउनुभयो ।
