विराटनगर, जेठ १४
हाँस्यकलाकार सिताराम कट्टेल धुर्मुस सहयोगी हात खोज्दै पूर्वी नेपालको विराटनगर पुगेका छन् । धुर्मुससुन्तली फाउन्डेशनअन्र्तगत भूकम्प पीडितको घर निर्माणकालागि सहयोग जुटाउँदै उनी विराटनगर पुगेका हुन् । सिन्धुपाल्चोकको मेलम्ची–८ गिरानचौरमा एकीकृत नमुना बस्ती निमार्ण गर्न सहयोग खोज्दै आफू यहाँ आएको उनले बताए । 
फाउन्डेशनले गिरानचौरमा पाँच सय १६ जना भूकम्प पीडितको लागि ६५ वटा घर बनाउने काम शुरु गरेको उनले बताए । उनकाअनुसार ६५ वटा घर बनाउन झण्डै पाँच करोड लाग्ने अनुमान छ ।अहिलेसम्म फाउन्डेशनले ७५ लाख रुपैयाँ जम्मा गरिसकेको उनले जानकारी दिए । विराटनगर ठूलो शहर र औद्योगिक क्षेत्र भएकाले पनि रकम उठ्ने अपेक्षा राखेर विराटनगर पुगेको उनको भनाई थियो । गत वर्षको वैशाख १२ गते गएको भूकम्पबाट घरबार बिहिन भएका परिवारलाई घर बनाउने काममा धुर्मुस र सुन्तली लागि परेका छन् । फाउन्डशसनले दशैको घटस्थापनाको दिन भूकम्प पीडितलाई अहिले बन्दै गरेको घर हस्तान्तरण गर्ने जनाएको छ ।
साभार : उज्यालो अनलाइन
