बिराटनगर जेठ २३ ,
विश्व वातावरण दिवसका अवसरमा बिराटनगरको सास्थम कलेजमा बोल्ने कला प्रतियोगिता सम्पन्न भएको छ । कलेजका बिबिए र बिएचएमका दोस्रो सेमेस्टरका बिद्यार्थीहरु माझ गरिएको प्रतियोगितामा बिबिएका रसिक गौतम प्रथम , बिबिए कि ऋषिका पोखरेल दोस्रो तथा बिएचएम सुरज सिङ खत्री तेस्रो हुन सफल भएका छन । वातावरणको संरक्षणका लागि युवा पुस्ताले पनि भूमिका खेल्नुपर्छ र वातावरणको संरक्षणको जागरणका निम्ति उक्त प्रतियोगिता आयोजना गरिएको कलेजका बिबिए कार्यक्रम संयोजक प्रविन रिमालले बताउनुभयो । बिराटनगर उपमहानगरपालिका कार्यकारी अधिकृत गोपाल रेग्मीको प्रमुख आतिथ्यमा भएको उक्त कार्यक्रममा निर्णायकको भूमिकामा बिकल्पका निर्देशक बसन्त अधिकारी र प्राध्यापक सुरज खतिवडा रहनुभएको थियो । विजयी बिद्यार्थीहरुलाई बिभिन्न पुरस्कार वितरण गरिएको थियो ।
