काठमान्डौ असार ७ , ललितपुर प्रहरीले सक्कली मदिराको बोत्तलमा नक्कली मदिरा बनाइ बेच्ने एक गिरोहलाई पक्राउ गरेको छ। सिग्नेचर,रोयल स्ट्याग र रुस्लान भोड्का नक्कली बनाइ बेच्ने ३ जनालाई पक्राउ गरिएको डिएसपी इश्वर कार्कीले बताए।
गुणस्तरहिन मदिरा उत्पादनका साथै बजारमा बिक्री वितरण गर्ने भक्तपुर मध्येठिमी नगरपालीका वडा नं ३ बस्ने वर्ष ३३ को दिनेश श्रेष्ठ ललितपुर ८ पाटन सुन्धारा बस्ने वर्ष २८ को नरेन्द्र महर्जन र सिन्धुपाल्चोक चौतारा नगरपालिका वडा नं ९ सानो सिरुवारी घर भई हाल ललितपुर महालक्ष्मी नगरपालिका वडा नं ९ टिकाथली वस्ने वर्ष २१ को रविन्द्र दुलाललाई पक्राउ गरिएको उनले बताए।
ठूलो परिमाणमा नक्कली शिल लगाएको गुणस्तरहिन रक्सी, बोतल तथा बिर्कोहरु, रक्सीको बिर्को प्याक गर्ने प्लाष्टिक बरामद गरिएको उनले बताए।
