झापा, असार १२ गते।
झापाको दुवागढी ३ बस्ने हरी दाश राजबंशी शनिबार मृत अवस्थामा फेला परेका छन्। गत असार ७ गते घरबाट हिडेका राजबंशी शनिबार भारत किसनगंज-५ स्थित खोलामा मृत फेला परेका हुन्।
घटना स्थलमा प्रहरी चौकी पाठामारीबाट प्रहरीको टोली खटिगई आवश्यक कानूनी प्रकृया पुरा गरेको छ।
त्यसैगरी सुनसरीको महेन्द्रनगर-९ राजाबासमा पनि सप्तकोशी नदिले बगाई ल्याएको एक पुरुष मानिसको शव फेला परेको छ।
सडिगलेको अवस्थामा फेलापरेको उक्त शव इलाका प्रहरी कार्यालय महेन्द्रनगरबाट प्रहरी टोली खटिगई कानूनी प्रकृया पुरा गरेको छ।
