सप्तरी, असार १२
सप्तरीको सकरपुरा ६ स्थित खाँडो खोलामा आएको बाढी गाँउमा पस्दा सयौ घर डुबान भएको छ।
अविरल वर्षाका कारण खोलामा आएको बाढीले सकरपुरा गाविस वडा नम्बर ६ र ७ का गाँउमा पानी पस्दा अन्दाजी १२५ घरमा दुई फिट जति पानी जमेको छ।
बाढीले सोही गाविस वडा नम्बर ४ मा रहेको चार बिगाहा जति खेत कटान गरेको छ।
घटनास्थलमा जिल्ला प्रहरी कार्यालय सप्तरी र सशस्त्र प्रहरी बल सिमा सुरक्षा कार्यालय सप्तरीबाट प्रहरी परिचालन भएको छ।
