प्रेम देवान
विराटनगर १४ असार
मोरङ स्थित मधुमल्लाको बस्तिमै बक्राहा नुनसरी खोला पसेपछी बिचल्नीमा परेकाहरुले उचित राहत पाउन सकेका छैनन् । एउटा पाल समेत समयमै पाउन नसक्दा समस्यामा परेको पिडीतहरुले बताएका छन् । खोला पसेपछी २६ घर परिवारको विचल्नी भएको छ । अहिले पनि गाउँवाटै खोला बगीरहेको छ । खोलाले गाउलाईनै बगर वनाइदिएको छ । त्यहाँ जान सक्ने स्थिति अझै नरहेको स्थानियले वताएका छन् । खोलालाई आफनै धारमा फर्काउने प्रयास भइरहको प्रमूख जिल्ला अधिकारी तोयम रायले जानकारी दिनु भयो ।
यसै वीच सांसद अमृत अर्याल सहितको टोलीले वाढिप्रभावित क्षेत्रको निरिक्षण गरेको छ । त्यसैगरी बाढीप्रभावित क्षेत्रमा तरुणदल मोरङको आयोजनामा राहत वितरण गरिएको छ । २६ परिवारलाई , प्रतिपरिवार एकबोरा चामल ,एउटा पाल र टर्चलाईट वितरण गरिएको तरुणदलका जिल्ला सभापति सन्जय थापा (प्रभाकर)ले जानकारी दिनुभयो । कार्यक्रममा कांग्रेस मोरङका कोषाध्यक्ष गोपाल थापा , क्षेत्रीय सभापति खड्ग फागो,महासमिति सदस्य सोभा पालुङ्गा, निवर्तमान संगठन विभाग सचिव बसन्त हुमागाई,युवा नेताहरु कृष्ण कार्की, तरुणदल जिल्ला सदस्य लिला काफ्ले ,नौ न क्षेत्रीय सभापति देवराज चाम्लिङ्ग लगायतको टोलीले राहत वितरण गरेको थियो । राहत वितरण कार्यक्रममा गाउमा पसेको खोलालाई आफ्नैधारमा फर्काउन ढिलाइ भएको स्थानियले गुनासो गरेका छन् ।
