झापा, २७ असार
चिकित्सकको लापरबाहीले सुत्केरीको मृत्यु भएको भन्दै मृतकको परिवारले दमकस्थित आम्दा अस्पतालको सेवा ठप्प पारेका छन् ।
हिजो सल्यक्रिया मार्फत प्रसुती गराइएकी झापाको मेचीनगर ८ की २१ वर्षीया सृजना बास्तोलाको आज बिहान मृत्यु भएको हो । सुत्केरीको मृत्यु भएपछि परिवारले चिकित्सकको लापरबाही भएको भन्दै सेवा ठप्प पारेपछि बिहानै देखी अस्पताल परिसर असामान्य बनेको छ । मृतकका श्रीमान निरोज बास्तोलाले चिकित्सकको लापरबाहीले गर्दा श्रीमती गुमाउनु परेको बताउनुभयो । अस्पतालको सेवा सुचारु गर्ने विषयमा अस्पताल प्रशासन र मृतकको परिवारबीच वार्ता जारी रहेको छ । बास्तोलाले जन्म दिएकी छोरीको अवस्था भने सामान्य रहेको जनाइएको छ ।
