बिराटनगर साउन ५ , बिगत ११ दिन देखि स्वास्थ्य क्षेत्रमा मौलाएको विकृति विरुद्ध आमरण अनसनमा बसेका डा.गोबिन्द केसीको अभियानलाई समर्थन गर्दै विराटनगरमा युवाहरुले प्रदर्शन गरेका छन् । विराटनगरको ट्राफिक चौकमा मंगलबार प्रदर्शन गरिएको छ । प्रदर्शनमा आएकाहरुले डा केसीले उठाएका माग पूरा गर, स्वास्थ्य क्षेत्रको विकृति अन्त्य गर जस्ता नारा लेखिएको प्ले कार्ड र हातमा कालो पट्टी बाधेका थिए । डा केसीको माग पूरा नहुञ्जेल विराटनगरमा हरेक दिन प्रदर्शन गर्ने अभियानकर्मी उत्तम ढुंगेलले बताएका chhan । चिकित्सा क्षेत्रमा देखिएको विकृतिको विरुद्ध केसी आठौ पटक अनसनमा बसेका हुन् । उनको स्वास्थ्इ अवस्था निकै कमजोर बनेको छ ।
