मोरङ, साउन २५
मोरङको विराटनगर-२१ स्थित भन्सार कार्यालयको ३ नम्बर ढाट नजिकैबाट सोमबार प्रहरीले लागूऔषधसहित एकजानालाई पक्राउ गरेको छ। पक्राउ पर्नेमा उदयपुर बेल्टार-११ बर्खेटोल बस्ने २१ बर्षिय सुशिल राईलाई रहेका छन्।
लागूऔषध नियन्त्रण ब्युरो विराटनगरबाट खटिएको प्रहरीको टोलीले चेकजाँच गर्ने क्रममा भारतबाट नेपालतर्फ पैदल आउदै गर्दा उनलाई साँझ ५;४५ बजे पक्राउ गरेको हो।
प्रहरीले उनको साथबाट लागूऔषध एभिल २ एम्पुल, लपिजेसीक २० एम्पुल, डाईजोपाम २० एम्पुल, फेरानगन २० एम्पुल, र नाईट्रोसन २० ट्याबलेट बरामद गरेको छ। लागुऔषध सहित पक्राउ परेका राइलाई सिमा प्रहरी चौकी रानीमा राखी थप अनुसन्धान भइरहेको छ।
