बिराटनगर साउन ३१ , तीन वर्ष अघि व्यावसायिक भवन बनाउने भन्दै खाली गरिएको ए र बी प्लटमा व्यावसायिक भवनको काम सुरु पनि हुन सकेन । अब भने बिराटनगर उपमहानगरपालिकाले फिरी अर्को योजना अगाडि सारेको छ । बिराटनगर उपमहानगरपालिकाले गुद्री छेउको बुधहाटमा रहेको दुबै खाली प्लटमा भूमिगत पार्किङको योजना ल्याएको छ। सहरी बिकास मन्त्रालयले योजना माग गरेपछि ए र बी प्लटमा भूमिगत पार्किङ बनाउने योजना पठाउन लागेको उपमहानगरपालिकाका कार्यकारी अधिकृत गोपाल रेग्मीले बताए । यसै वर्षदेखि सहरी बिकास मन्त्रालयले पूर्वाधार बिकास अन्तर्गत उपमहानगरपालिकालाई ५० करोड उपलब्ध गराउने भएकोले योजना अघि सारिएको रेग्मीको भनाइ छ । बिराटनगर उपमहानगरपालिकाले धेरै महत्कांक्षी योजना अघि सारेपनि सफल भने हुन सकेको छैनन् ।
