विराटनगर ,भदौ ३ 
म्याजिक विराट फुटसल कप अन्तर्गत शुक्रबार भएको खेलमा मनमोहन मेमोरियल पोलिटेक्निक , एनआइसी एशीया बैंक र मेगा बैंक बिजयी भएका छन् । प्रि क्वाटर फाइनलका क्रममा भएको शुक्रबार मनमोहन मेमोरियल र आन्तरिक राजश्व कार्यालय बिच भएको पहिलो खेलमा ७–४ को गोल अन्तरले मनमोहन बिजयी भएको छ । उक्त खेलको म्यान अफ दि म्याच आन्तरिक राजश्वका कप्तान किशोर नेपाल भएका थिए । मनमोहनले शनिवार सनराइज बैंकसँग क्वाटर फाइनलमा भिड्ने छ ।
यसै गरि शुक्रबारको दोश्रो खेलका रुपमा एनआइसि एशिया बैंक र नेपाल टेलिकम बिच भएको खेलमा ४–३ को गोल अन्तरले एनआइसि एशिया बैंक विजयी भएको थियो । यस खेलका म्यान अफ दि म्याच एनआइसि एशियाका गोलकिपर किरण लिम्बु भएका थिए ।
शुक्रबारको अन्तिम र तेश्रो खेलका रुपमा मेगा बैंक विरुद्ध डायनमिक एजुकेशन कन्सल्टेन्सिको टिम बिच भएको थियो । यस खेलमा ६–२ को गोल अन्तरले मेगा बैंक बिजयी भएको थियो । यस खेलका म्यान अफ द म्याच मेगा बैंकका कप्तान अभिषेक कार्की भएका छन् ।
आवर विराटनगर डट नेट र हिट एण्ड हैंग आउटको संयुक्त आयोजनमा भइरहेको म्याजिक विराट फुटसल कपमा यस क्षेत्रका विभिन्न कर्पोरट र सरकारी कार्यालयहरुले सहभागिता जनाइरहेका छन ।
