दाङ, आईएमई शाखा कार्यालय तुलसीपुरबाट झन्डै साढे पाँच लाख रुपैयाँ चोरी भएको छ । तुलसीपुरको मुख्य बजार वीपी चोकस्थित राप्ती मनी ट्रान्सफरबाट सोमबार बिहान १ बजे ५ लाख ३५ हजार नगद चोरी भएको इलाका प्रहरी कार्यालय तुलसीपुरले जनाएको छ । सीसी क्यामेराको फुटेज रेकर्ड हेर्दा बिहान १ बजे चोरले उक्त आईएमईको घर्राको ताला फोडेर ५ लाख ३५ हजार नगद चोरी गरेको सञ्चालक किरण पुनले जानकारी दिनुभयो । चोरले पैसा राखेको घर्रामात्रै फोरेर रकम चोरी गरेको पाइएको प्रहरी निरिक्षक खुमानन्द पाण्डेले बताउनुभयो । चोरी घटनाका बिषयमा प्रहरीले अनुुसन्धान जारी रहेको बताएको छ ।
