विराटनगर, भाद्र १३
पूर्व क्षेत्र अन्तरगत ओखलढुङा, ईलाम र सोलुखुम्बु जिल्लामा आइतबार चट्याङबाट २ जनाको ज्यान गएको छ भने ६ जना घाइते भएका छन्।
मृत्यु हुनेमा ओखलढुङगा जिल्लाको रातमाटे-७ डाँडाखर्क बस्ने केदार खत्रीको १४ वर्षका छोरा सुजन खत्री र सोही ठाउँकी ७४ वर्षिया अशोधन राई रहेका छन्।
दुबैको आफ्नै घरमा बसिरहेको अवस्थामा दिउँसो ४ बजेतिर चट्याङ खस्दा घटनास्थलमै मृत्यु भएको हो।
चट्याङबाट राताटे-७ का ४५ वर्षिय भीम बहादुर खत्री, बर्ष १२ को कुमार खत्री, बर्ष ५० की सन्ध्या खत्री, र बर्ष १६ को युवराज खत्री गम्भीर घाइते भएका छन्। घाइतेहरुको स्थानीय अस्पतालमा उपचार भइरहेको छ।
त्यसैगरी चट्याङबाट ईलाम सोयाङ -७ का ३२ वर्षिय नरनन्द योगी र सोलुखुम्बु नेचाबतासे ४ का विष्णु राई तथा उनका भान्जा शिवराज राई घाइते भएका छन्। घाइतेहरुको स्थानीय स्वास्थ्य चौकीमा उपचार भइरहेको छ।
चट्याङका कारण विष्णु राईको घरमा बिधुत तार सर्ट भई आगलागी हुँदा अन्दाजी ६ लाख ५० हजार बराबरको क्षति भएको छ।
आगलागी इलाका प्रहरी कार्यालय नेचाबाट गएको टोलीले स्थानीयको सहयोगमा नियन्त्रण गरेका थिए।
