बिनु तिम्सिना
बिराटनगर भदौ २२,
जेष्ठ नागरिकहरु जागरणका लागि राज्यलाई घच्घच्याउने उद्देश्यले विराटनगरमा दुइ दिने ज्येष्ठ नागरिक महोत्सवको आयोजना हुने भएको छ ।
अन्ताष्ट्रिय जेष्ठ नागरिक दिवसको अवसरमा आउँदो असोजमा मनमोहन स्मृति प्रतिष्ठानले सो महोत्सवको आयोजना गर्न लागेको हो । प्रतिष्ठानले आज विराटनगरमापत्रकार सम्मेलनको आयोजना गर्दै महोत्सवको उद्घाटन राष्ट्रपति विद्यादेवी भण्डारीले गर्नुहुने र उहाले दिने समय अनुसार होत्सवको आयोजना गरिने जानकारी गराएको हो । महोत्सवमा एक नंम्बर प्रदेशमा पर्ने १४ जिल्लाबाट २ हजार ज्येष्ठ नागरिकहरुको सहभागिता रहने प्रतिष्ठानले जनाएको छ । महोत्समा एक नंम्बर प्रदेशमा रहेका ज्येष्ठ नागरिकहरुलाई भेला गराएर उनिहरुका समस्या, समस्या समाधानमा राज्य परिवार र समाजले खेल्नुपर्ने भुमिकाका विषयमा बृहद छलफल र अन्तकृया गरि सरकारलाई सुझाव दिइने जनाइएको छ । प्रतिष्ठानका अध्यक्ष एवं पूर्व उपप्रधानमन्त्री भरतमोहन अधिकारीले महोत्सवमा जेष्ठनागरिकहरुका हकमा काम गर्ने विभिन्न संघसंस्थाहरुसंग अन्तरक्रिया गर्ने र उनिहरुको राय सुझाव लिई विराटनगर घोषणापत्र जारी गरिने बताउनुभयो ।
महोत्सवको पहिलो दिन ज्येष्ठ नागरिकहरुमध्ये सबैभन्दावढी उमेरका ३ जना बृद्धा र ३ जना बृद्धलाई राष्ट्रपतिद्धारा दोसल्ला ओढाएर सम्मान गर्ने, मनोरञ्जन गराउने, अनुभव आदान प्रदान गराइने छ । भने दोश्रो दिन बृद्धबृद्धाहरुको क्षेत्रमा काम गर्ने संस्थाहरुका प्रमुख तथा प्रतिनिधिहरु संग बृहद छलफल तथा अन्तकृया गरिने जनाइएको छ । महोत्सवमा सहभागी हुने ज्येष्ठ नगरिकहरुको मोरङ जिल्ला र विराटनगरको हकमा अतिथि सदनमा केहि दिनभित्र सचिवालय स्थापना गरि नाम लेख्ने काम गरिने र प्रदेश नंम्बर १ मा पर्ने अन्य १३ जिल्लाका ज्येष्ठ नागरिकहरुले सोहि जिल्लामा सम्पर्क गरि नाम लेख्ने ब्यवस्था गरिने आयोजक समितिका सदस्य जीवन घिमिरेले जानकारी दिनुभयो । उहाँले नाम लेखाउने मध्ये समावेशी , समानुपातीक रुपमा महोत्सवमा सहभागी गराइने र सहभागी हुनेहरुलाई निःशुल्क आउने, जाने, बस्ने, खाने , विरामी भए उपचार गर्ने ब्यवस्था गरिएको बताउनुभयो । महोत्सव आयोजना प्रतिष्ठानले गरेपनि विराटनगर, इटहरी, धरान, दमक, विर्तामोड लगायतका उद्योग वाणिज्य संघ, उद्योगी , ब्यापारी, बृद्धाश्रम, समाजसेवीहरुले स्वेच्छिक रुपमा सहयोग गर्ने प्रतिबद्धता जनाएको र इच्छुकहरुले सम्पर्क गर्न समेत प्रतिष्ठानले आग्रह गरेको छ ।
