साेमबार राति विराटनगरकाे तिनटाेलियामा भएकाे हत्यामा संलग्न भनिएका तिनजना पक्राउ परेसँगै उक्त हत्याकाे थप रहस्य खुलेकाे छ । गए राति नेपाल-भारत सिमामा रहेकाे एक हाेटलमा लुकेकाे अवस्थामा पक्राउ परेकामा सिरहा प्रिपहाका सूर्यनारायण यादवका छोरा २२ बषिय राकेशकुमार यादव, सिरहा कै १७ बर्षिय कृष्णकुमार यादव र सप्तरीका १७ बर्षिय जीतेन्द्रकुमार शाह रहेकाे जनाइएकाे छ । तिनटाेलिया स्थित सिद्धार्थ मार्गमा रहेकाे अाेमकार श्रेष्ठकाे घरमा सुनसरी औराबनी ५ घर भइ विराटनगरमा अक्सफाेर्ड हाेस्टलका संचालक १९ बर्षिय विनोद यादवको हत्या भएकाे थियाे ।
अाज अपरान्ह जिल्ला प्रहरी कार्यालय माेरङमा पत्रकार सम्मेलन गर्दै प्रहरी उपरिक्षक सन्दिप भण्डारीले जानकारी गराए अनुसार पक्राउ परेका सबै विद्यार्थीहरू हुन् ।
घटनाको दाेषि पत्ता लगाउने अप्रेशनलाइ प्रहरी उपरिक्षक भण्डारी स्वयम् आफैले नेतृत्व गरेका थिए । घटनाको
अनुसन्धान गर्न पूर्व क्षेत्रीय प्रहरी कार्यालयको टोलीपनि परिचालन भएको जनाइएकाे छ । घटनास्थलमै फेला परेका १३ वर्षिय बालक मनाेज शाह पक्राउ परेका तिन अाराेपीहरू मध्येका एक जितेन्द्र शाहका भाइ रहेकाे र उनलाइ आफन्तको जिम्मा लगाउने तयारी भएको प्रहरीले जनाएको छ ।
घटनास्थलबाट प्रहरीले घटनामा प्रयाेग भएकाे कट्टी, एक थान कटुवा पेस्तोल, मोवाइल सेट ८ थान, सिमकार्डहरु र रगत लागेको कपडाहरु बरामद गरेको छ । प्रहरी उपरिक्षक भण्डारीले विनोदलाई पहिले मारिएको र लाशलाई सहजै गायब पार्ने उद्धेश्यले टुक्रा पारिएको बताए । हत्याकाे कारण हाल नखुलेकाे भए पनि लेनदेन यसकाे कारण हुन सक्ने अाशंका गरिएकाे छ ।
