विराटनगर - भाद्र २७,
राष्ट्रिय परीक्षा बोर्डले कक्षा १२ को परीक्षाफल सार्वजनिक गरेको छ । सोमबार सार्वजनिक भएको नतिजामा नियमिततर्फ सहभागी एक लाख ७५ हजार पाँच सय ९३ जनामध्ये ८४ हजार सय ९३ जना पास भएको राष्ट्रिय परीक्षा बोर्डले जनाएको छ। यो ४८.१७ प्रतिशत हो । त्यस्तै गरी परीक्षाको आंशिक तर्फ एक लाख २३ हजार १ सय २१ले परीक्षा दिएकोमा ४८ हजार ७ सय ६३ जना उत्तीर्ण भएको जनाइएको छ । यो ३९.५९ प्रतिशत हो। परीक्षामा एक विषयसम्म फेल भएकाको मौका परीक्षा कात्तिक ६ गते हुनेछ । गत बैशाख २० देखि सुरु भएको परीक्षामा नियमितमा ३८ र आंशिकमा ३६ जनाको परीक्षा रद्द गरिएको बोर्डले जनाएको छ ।
