बिराटनगर भदौ २९ , बिराटनगरमा भइरहेको विकास निर्माणकार्यलाई तिब्रता दिन सरोकारवालाले आग्रह गरेका छन् । मंगलबार जनसरोकार मञ्को सहयोगमा संयुक्त टोल नगर समन्वय समितिको आयोजनामा भएको एक कार्यक्रममा सहभागी बिराटनगरबासिले बिराटनगर उपमहानगरपालिकालाई यस्तो आग्रह गरेका हुन । बिराटनगरका सडक , भत्काइएका विभिन्न संरचनाको विकास सुस्त भएकोले तिब्रता दिन नगरबासीले आग्रह गरेका थिए । निर्माणकार्य सुस्त हुदा बिराटनगरबासिले दुख भोगिरहेकाले तिब्रताका साथ काम अगाडि बढाउन सहभागीले अनुरोध गरे ।
