सुनसरीको महेन्द्रनगर-५ स्थीत कोशी नदिमा प्रकाशपुरको श्रीलंका टापुबाट राजावास आउँदै गरेको डुङ्गा शनिबार दुर्घटना हुँदा ३७ जनाको उद्दार गरिएको छ भने अन्य ९ जना बेपत्ता भएका छन्।
बेपत्ता हुनेमा सुनसरी महेन्द्रनगर ५ बस्ने गोल्छा झाको छोरी बर्ष ७ बर्षिया रेखा झा, गोल्छा झाकै बहिनी २५ बर्षिया मिना झा उनकी ३ बर्षिया छोरी पुजन झा, प्रकाशपुर ५ बस्ने अन्दाजी ४५ बर्षिया पार्वती चन्द्रबंशी, महेन्द्रनगर ५ बस्ने अन्दाजी ४० बर्षिया सकुन्तला चन्द्रबंशी, नाम नखुलेकी उनकै १२ बर्षिया छोरी, डुङगा चालक प्रकाशपुर ४ बस्ने अन्दाजी . ४५ बर्षिय तुफानी चन्द्रबंशी, सोही ठाउँकी अन्दाजी ३० बर्षिया सीता कबिरत र तत्काल नाम नखुलेकी महेन्द्रनगर ५ बस्ने पटवारी उराउको १४ बर्षिया छोरी रहेका छन्।
शनिबार दिउँसो करिब ११ बजे सप्तकोशी नदीमा पल्टिएको उक्त डुङ्गामा सवार १ वर्षे बालकसहित ३७ जनाको उद्धार गरिएको गरिएको सुनसरी प्रहरीले जनाएको छ। नेपाल प्रहरी, नेपाली सेना, सशस्त्र प्रहरी, स्थानीयबासी लगाएतको उद्दार टोलीबाट खोजीकार्य भइरहेको इलाका प्रहरी कार्यालय महेन्द्रनगरले जनाएको छ।
