विराटनगर, असोज ३ ,
विराटनगर-३ स्थित कोशी बहुमुखी क्याम्पसमा पूर्व क्षेत्रीय प्रहरी कार्यालय रानीले चेतनामुलक कार्यक्रम आयोजना गरेको छ।
“प्रहरी मेरो साथी” अभियान अन्तरगत नागरिक-प्रहरी हातेमालो (P2H2) कार्यक्रम अनुरुप सो प्रशिक्षणको आयोजना गरिएको हो। प्रशिक्षणबाट सो कलेजको कक्षा ११ र १२ मा अध्ययनरत ३६ जना छात्र/छात्राहरुले लागूऔषध दुर्व्यसनी, ओसार पसार, घरेलु तथा महिला हिंसा, ट्राफिक नियम उल्लघन, INTERNET & CYBER CRIME लगायतका विषयमाहरुमा विधमान कानूनी व्यवस्था बारे जानकारी पाएका छन्।
कार्यक्रमलाई क्षेत्रीय प्रहरी कार्यालयका प्रहरी नायव निरीक्षक कृष्ण कुमारी अधिकारी, प्रहरी जवानहरु ओम राज पौडेले सहजीकरण गरेका थिए ।
अन्तरकृयात्मक विधीद्वारा दिइएको सो प्रशिक्षणकाक्रममा चेतनामुलक भिडियोसमेत प्रदर्शन गरिएको थियो। कार्यक्रमको अन्त्यमा क्याम्पस प्रमुख मनिष सोनीले प्रहरीलाई धन्यवाद दिदै आगामी दिनमा समेत यस्तै कार्यक्रमको अपेक्षा गरेको बताए।
