बिराटनगर असोज ७ , अग्रवाल महिला मंचको आयोजनामा बिराटनगरमा लाइभ डांडिया नाइट हुने भएको छ । भारतको गुजरातमा नाचिने उक्त नाच बिराटनगरमा पनि मारवाडी समुदायमा निक्कै लोकप्रिय मानिन्छ । असोज १४ गते बिराटनगरको मारवाडी सेवा सदनमा बेलुकी ५ बजेबाट उक्त कार्यक्रम हुने आयोजक रेणु तोदीले आवर बिराटनगर डट नेटलाई बताउनुभयो । उक्त कार्यक्रममा भारतीय ब्याण्डबाट सांगीतिक कार्यक्रम साथै खानाको स्टलहरु पनि हुने तोदीले बताउनुभयो। साथै उक्त कार्यक्रममा उपस्थित मध्ये भाग्यमानी व्यक्तिले बिभिन्न पुरस्कार समेत जित्न सक्ने उहाले जानकारी दिनुभयो । अग्रवाल महिला मंचले हरेक वर्ष यस्ता कार्यक्रम गर्दै आएको छ ।
