बिराटनगर कार्तिक २७ , बिराटनगरमा चार दिन देखि ट्याङकर मजदुरहरुले गरेको हड्ताल शुक्रबारदेखि फिर्ता भएको छ । ट्याङ्कर मजदुरको आन्दोलनका कारण बिराटनगरमा पेट्रोल अभाव सृजना भएको थियो । लामो छलफल पछि आन्दोलनरत पक्षको जायज माग पूरा गर्ने सहमति भएपछि आन्दोलनका कार्यक्रम फिर्ता भएको हो । शनिबारदेखि पम्प खुल्ने तथा ढुवानी हुने डिलर एशोसिएसनका अध्यक्ष मुकुन्द न्यौपानेले बताए ।
