बिराटनगर मंसिर २ , बिराटनगरको सास्थम कलेजमा नयाँ बिद्यार्थीहरुका लागि अभिमुखिकरण कार्यक्रम सम्पन्न गरेको छ । कलेजमा बिबिए र बिएचएम संकायमा अध्ययनरत बिद्यार्थीहरुलाई कलेजका निर्देशक रोशन थापा र प्रिन्सिपल देवराज श्रेष्ठले बिद्यार्थीहरुलाई सम्बोधन गर्नुभएको थियो । यसैगरी कलेजका बिबिए प्रमुख प्रविण रिमाल र बिएचएम प्रमुख पुष्पराज पडालले बिद्यार्थीहरुलाई कलेजको कार्यक्रमका बारेमा प्रस्ट पार्नुभएको थियो । उक्त कार्यक्रममा बिबिएमा ४० र बिएचएममा ७० गरि ११० जना नवआगन्तुक बिद्यार्थीहरुलाई अभिमुखीकरण कार्यक्रम सम्पन्न गरिएको थियो । कार्यक्रममा कलेजका प्राध्यापकहरुको पनि उपस्थिति रहेको थियो ।
