मोरङ, मंसिर ७
मोरङको विराटनगर-२१ स्थित जोगबनी नाकाबाट सोमबार लागूऔषधसहित एक युवक पक्राउ परेका छन्।
पक्राउ पर्नेमा उदयपुर बेल्टार-९ बसाहा बस्ने १८ बर्षिय रोजन विश्वकर्मा छन्। विश्वकर्मा साँझ ६ बजे बिराटनगर भन्सार कार्यालयको २ नम्बर ढाँट नजिकबाट पक्राउ परेका हुन्।
चेकजाँचकाक्रममा उनको साथबाट डाइजेपाम १५ एम्पुल, एभिल १५ एम्पुल र लुपिजेसिक १५ एम्पुल बरामद भएको छ।
बरामद लागूऔषधसहित विश्वकर्मालाई इलाका प्रहरी कर्यालय रानीमा राखी थप अनुसन्धान भइरहेको छ।
