बिराटनगर मङ्सिर ८ , नेकपा एमाले निकट अखिल नेपाल महिला संघको जिल्ला सम्मेलन हुने भएको छ । दस वर्षदेखि हुन नसकेको जिल्ला सम्मेलन यहि मङ्सिर १० र ११ गते हुनेभएको छ । मंगलबार विराटनगरमा पत्रकार सम्मेलन गर्दै उक्त सम्मेलन कोशीहरैचा नगरपालिका ३ स्थित जेसिज सामुदायिक भवनमा हुने भएको जानकारी आयोजकले दिएको छ । सम्मेलनमा सर्वसम्मतिले ४१ सदस्यीय समिति बनाइने यशोदा अधिकारीले जानकारी दिनुभयो । सम्मेलनको उद्घाटन गर्न एमाले महासचिव इश्वर पोखरेल , सचिव भीम आचार्य लगायतका नेता आउने बताइएको छ ।
