बिराटनगर मङ्सिर १० , एक पछि अर्को ठुला योजना सार्वजनिक भइरहेको बिराटनगरमा अब मनोरञ्जनका क्षेत्रमा पनि नयाँपन आउने भएको छ । बिराटनगरमा २ के प्रोजेक्सन, सिल्भर स्क्रिन सहित सुविधासम्पन्न सिनेमा हल खुल्ने भएको हो । बिराटनगरबासिले सुविधायुक्त सिनेमा हल नपाइरहेको अवस्थामा बिराटनगरका केही युवा उद्यमीहरु रोशन थापा, सुशील रिजाल , सुयाश प्याकुरेल र अनुज पोद्दारको पहलमा "सेन्ट्रल सिनेमा" बिराटनगरमा संचालन हुन लागेको हो । हल बिराटनगरको तिनपैनीमा रहनेछ । उक्त हलका लगानीकर्ता मध्येका एक रोशन थापाका अनुसार सन २०१७ को फेब्रुअरीदेखि उक्त हल संचालन हुनेछ । हलमा चलचित्र रका साथै विभिन्न खानाका परिकार समेत हुनेछ ।
