बिराटनगर मङ्सिर २५ ,नेपाल जेसिजको राष्ट्रिय सम्मेलनको अवसरमा काठमाडौंमा भएको एक भव्य कार्यक्रम बिच बिराटनगरका युवा सरोज कार्की सम्मानित भएका छन । उनलाई समाजसेवाको क्षेत्रमा उत्कृष्ठ योगदान पुर्याएको भन्दै सम्मान गरिएको हो । देशैभरिबाट समाजमा आफ्नो कामबाट विभिन्न विधामा योगदान पुर्याउने १० युवाहरुलाई नेपाल जेसिजले सम्मान गरेको हो । कार्कीसहित नायिका ऋचा शर्मा लगायतलाई पुर्व प्रधानमन्त्री शेर बहादुर देउवा साथै जेसिजका पदाधिकारीले सम्मान पत्र तथा स्वर्ण पदकसहित सम्मान गरेका थिए । कार्की युथ फर ब्लड नेपालका संस्थापक तथा बिराटनगरको अनलाइन पत्रिका आवर बिराटनगर डट नेटका सम्पादक हुन । यसअघि विभिन्न राष्ट्रिय तथा अन्तराष्ट्रिय अवार्ड पाईसकेका उनको नाम विराटनगर जेसिसले अवार्डका लागि यो क्षेत्रबाट प्रस्ताव गरेको थियो ।
