बिराटनगर पुस ५ , सातौं राष्ट्रिय खेलकुदका लागि आयोजकको तर्फबाट सबै तयारी पूरा भएको जानकारी आएको छ । यसैबीच बिराटनगर छेवैमा रहेको बैजनाथपुरमा अन्तर्राष्ट्रिय स्तरको क्रिकेट पिच तयार पारिएको छ । अन्तर्राष्ट्रिय अम्पायर तथा पिच क्युरेटर शिरीष उपाध्यायको रहोवरमा मैदानको काम सम्पन्न भएको हो । मैदानमा दुईवटा पिच निर्माण गरिएको छ । पुस ९ गतेदेखि उक्त मैदानमा सातौं राष्ट्रिय खेलकुद प्रतियोगिताका खेलहरु हुने छन् । ६० लाख बजेट छुट्टयाइएको उक्त मैदानलाई अझ राम्रो बनाउन ५० लाख बढी रकम अझै आवश्यक रहेको क्युरेटर उपाध्यायले बताए । बिराटनगरमा क्रिकेट खेल प्रति धेरैको रुचि रहेपनि पुर्वाधारको अभाव रहिआएको छ ।
