विराटनगर पुस ९ , विराटनगरमा एकै रातमा ४ वटा पसलमा चोरी भएको छ । विराटनगरको ट्राफिक चोक र मेन रोडका पसलमा चोरी भएको हो । चोरी हुने पसलमा किराना , फेन्सी तथा मिठाइँ पसल रहेका छन् । सबै पसलबाट नगद ३ लाख १० हजार चोरी भएको थियो । विराटनगरको मेन रोडमा रहेको विराट न्यु कलेक्सन , दिपावली स्वीट , श्याम सुन्दर महेश्वरी एण्ड कम्पनी तथा ट्राफिक चोकमा रहेको सूर्य ट्रेडर्समा चोरी भएको हो । सबै पसल संचालकले विहान पसल खोल्ने क्रममा मात्रै चोरी भएको थाहा पाएका थिए ।
