झापा पुस २१ , पूर्व पश्चिम राजमार्गअन्तर्गत झापाको चारपाने सडकखण्डमा भएको सवारी दुर्घटनामा परी बिहीबार दिउँसो दुई जनाको मृत्यु भएको छ। मृत्यु हुनेमा महाभरा–७ निवासी २५ वर्षीय अरुण राजवंशी र सोही ठाउँ निवासी २९ वर्षीय लोखचन राजवंशी छन्।
पश्चिमबाट पूर्वतर्फ जाँदै गरेको मोटरसाइकल र विपरीत दिशाबाट आउँदै गरेको बोलेरो जीप आपसमा ठोक्किँदा सो दुर्घटना भएको प्रहरीले जनाएको छ।
