विराटनगर पुस २९ ,
नेकपा एमाले मोरङको जिल्ला अधिवेशनबाट अध्यक्षमा विनोद ढकाल ५४१ मत सहित विजयी भएका छन् ।
उनका निकटम प्रत्यासी महेश रेग्मीले ३३४ मत मात्रै प्राप्त गर्न सफल रहे । विहीबार अवेर राति सकिएको मतगणना अनुसार ढकालले रेग्मीलाई २०७ मतले पछि पारेर मोरङ जिल्ला अध्यक्ष बन्न सफल रहे ।
जिल्ला अधिवेशन अन्तर्गत नेतृत्व चयनका लागि बुधबार निर्वाचन सम्पन्न भएको थियो । प्राविधिक कारण देखाएर निर्वाचनको मतगणना भने विहीबार दिउँसो १ बजेदेखि मात्र सुरु भएको थियो । मत परिणाम अनुसार जिल्लाका अन्य पदाधिकारीहरुमा पनि विनोद ढकाल पक्षकै प्यानलबाट अधिकांश विजयी भएका छन् । अवेर रातिदेखि नै विजयी पदाधिकारीको खुसीमा सामाजिक संजालहरुमा बधाईका संदेश आउन सुरु भइसकेको छ । मत परिणाम :
उपाध्यक्षमा मत परिणाम :
रामलाल साह ४२४ । सत्यनारायण ३२५
सचिवमा मत परिणाम :
ऋषि पोखरले ४६२। विद्या चाम्लिंग ३०६
सहसचिवमा मत परिणाम :
घना तामाङ ४२५ । राजकुमार ओझा ३२७
