७ माघ २०७६, मंगलवार

सुनसरीमा दुर्घटनामा तीन जनाको घटनास्थलमै मृत्यु इटहरी

माघ १– पूर्वपश्चिम राजमार्गअन्तर्गत सुनसरीको हरिपुरमा शनिबार भएको दुर्घटनामा मोटरसाइकलमा सवार तीन जना युवाको घटनास्थलमै मृत्यु भएको छ । जनकपुरबाट विराटनगरतर्फ आउँदै गरेको ना ६ ख २९३१ नम्बरको यात्रुबाहक बससँग को १९ प ५५३० नम्बरको मोटरसाइकल साँझ ५ बजेतिर ठोक्किँदा तीन जनाको मृत्यु भएको हो । जिल्ला प्रहरी कार्यालय सुनसरीका अनुसार, दुर्घटनामा परी मोरङ हसन्दहका सुमन बास्तोला, इटहरी– ५ का कान्छा तामाङ र पहिचान हुन नसकेका अर्का एक जनाको मृत्यु भएको हो ।

मृतक २५ वर्षदेखि ३० वर्ष उमेर समूहका छन् । बसको अघिल्लो भागमा मोटरसाइकल ठोक्किँदा उनीहरूको मृत्यु भएको डिएसपी प्रवीण धितालले बताए । ‘बस आफ्नै लेनमा भएको देखिन्छ । पूर्वबाट पश्चिम जाँदै गरेको मोटरसाइकल अनियन्त्रित भएर बसको दाहिनेपट्टिको भागमा ठोक्किएको छ,’ धितालले भने, ‘त्यसरी मोटरसाइकल ठोक्किँदा चालकबाहेक अन्य दुई जना उछिटिएर सडकको निकै पर पुगेका छन् । चालक भने दुर्घटनास्थल नजिकै भेटिए ।’ उनले मोटरसाइकल तीव्र गतिमा हुँदा दुर्घटना भएको बताए ।

सम्बंधित खबरहरु



प्रतिक्रिया लेख्नुहोस