मोरङ, माघ २०
मोरङको ईटहरा-२ मा बुधबार मोटरसाइकलको ठक्करबाट एक बालक घाइते भएका छन्।
घाइते हुनेमा ईटहरा-२ बस्ने कोपिला न्यौपानेको ७ बर्षिय छोरा अंजल न्यौपाने रहेका छन्।
उनलाई पूर्वबाट पश्चिमतर्फ जांदै गरेको मे ५ प ८१२६ नम्बरको मोटरसाइकलले दिउँसो १२ बजेतिर बाटोमा हिड्दै गर्दा ठक्कर दिएको थियो।
घाइते बालकको आम्दा अस्पताल दमकमा उपचार भइरहेकोको छ भने मोटरसाइकल चालक इटहरा-१ बस्ने ३५ बर्षिय विनोद कार्की समेत घाइते भएकाले सोही अस्पतालमा उपचार भइरहेको प्रहरी चौकी इटहराले जनाएको छ।
त्यस्तै सप्तरीको बोरिया ७ स्थित सखडा राजबिराज सड्क खण्डमा नम्बर नखुलेको मोटरसाइकलको ठक्करबाट साईकलयात्री सिम्राहा सिंगौन-६ बस्ने २६ बर्षिय बिनोद मण्डल घाइते भएका छन्।
घाइतेको सगरमाथा अंचल अस्पताल राजबिराजमा उपचार भईरहेको छ भने ठक्कर दिने मोटरसाइकल चालक फरार रहेकाले खोजी कार्य भइरहेको जिल्ला प्रहरी कार्यालय सप्तरीले जनाएको छ।
