विराटनगर फाल्गुन ३०, बिराटनगर -१३ सनसरीमाईस्थान स्थित ४ विभिन्न संस्थाको आयोजनामा होली विशेष कार्यक्रम सम्पन्न गरिएको छ । आइतबार सम्पन्न उक्त होली कार्यक्रम डल्फिन एजुकेसन , ओबि मिडिया प्रालि , युथ फर ब्लड मोरङ साथै इनडिजाइन मिडियाको संयुक्त आयोजनामा सम्पन्न भएको थियो । कार्यक्रममा ७० बढी युवायुवतीको उपस्थिति रहेको आयोजक अनुभव दाहालले बताए । होली खेल्ने कार्यक्रमका साथै नाचगान समेतको आयोजना गरिएको कार्यक्रममा मेरिल्याण्ड कलेजका संस्थापक भेषराज पोखरेलले समयसापेक्ष कबिता प्रस्तुत गर्नुभएको थियो । करिब ३ घण्टा चलेको उक्त कार्यक्रममा विभिन्न संस्थाका युवाहरुले एकैसाथ होली खेलेका थिए ।
