कञ्चनपुर । विहीबार एक नेपालीको हत्यापछि अशान्त बनेको कन्चनपुरको आनन्द बजारमा स्थानीयले प्रदर्शन जारी राखेका छन् । स्थानीयको विरोधपछि स्थानीय प्रशासनले आनन्द वार आसपास निषेधित क्षेत्र घोषणा गरेको छ ।
स्थानीयको विरोधले अहिले पनि कैलाली र कन्चनपुरका विभिन्न बजारहरु बन्द छन् भने स्थानीय आक्रमक रुपामा उपस्थित भएका छन् । दशगजामा बन्दै गरेको कलभल्ट निर्माणको विरोधका विच विहिबार भारतीय सिमा सुरक्षाबल एस एसबी को गोली लागी गोविन्द गौतमको ज्यान गएको थियो ।
गौतमको मृत्युसंगै शोकमा डुबेको कन्चनपुर र कैलालीका स्थानीयले सिमा विबादमा नेतृत्व तहले पहल नगरेको र अहिले देखिएको विवादलाई हल गर्न कुनै पहल नगरेको भन्दै चरणबद्ध आन्दोलन गरिरहेको छ । सिमा विबादमा राष्ट्रिय स्तरबाट पहल नगरेको भन्दै स्थानीय विरोधमा उत्रिएका हुन् ।
