मोरङ चैत्र १०
मोरङको वयरबन-९ स्थित पूर्व पश्चिम राजमार्गमा मोटरसाईकल अनियन्त्रित भई दुर्घटना हुँदा एक जनाको ज्यान गएको छ भने एक जना घाईते भएका छन्।
पश्चिमतर्फ आँउदै गरेको बा ४० प १२९ नम्बरको मोटरसाईकल आँफै अनियन्त्रित भई दुर्घटना भएको थियो।
दुर्घटनामा परी तत्काल नामथर, वतन खुल्न नसकेको चालक र पछाडी सवार दुबै जना घाइते भई उपचारकालागी पथरी अस्पताल पठाईएकोमा उपचारको क्रममा एक जनाको मृत्यु भएको इलाका प्रहरी कार्यालय पथरीले जनाएको छ।
अर्का घाईतेलाई थप उपचारकालागी न्युरो अस्पताल बिराटनगर पठाईएको उक्त कार्यालयले जनाएको छ।
