चैत्र ११ । मोरङको विराटनगर उपमहानगरपालिका ५ मा बिहिबार यात्रुबाहक बसको ठक्करबाट मोटरसाईकलमा सवार दुई जना घाईते भएका छन् ।
घाईते हुनेमा ओखलढुंगा सिद्धिचरण ८ बस्ने शुभराज राई र मोटरसाईकलको पछाडी सवार कर्ण बहादुर सुनुवार रहेका छन्। उनिहरुलाई कोशी राजमार्ग अन्तर्गत बिराटनगर ५ स्थित धिताल पम्प नजिक बिराटनगरबाट जनकपुरतर्फ जाँदै गरेको ना ४ ख ६७४७ नम्बरको यात्रुबाहक बसले बा ८१ प ९३३७ नम्बरको मोटरसाईकललाई ठक्कर दिएको थियो। ठक्करबाट घाईते दुबैजनालाई उपचारकालागी नोबेल अस्पताल बिराटनगर पठाएको प्रहरी चौकी बरगाछीले जनाएको छ। ठक्कर दिने बस र चालकलाई प्रहरीको नियन्त्रणमा राखिएको छ।
