बिनु तिम्सिना
तराई मधेश लोकतान्त्रिकपार्टीका अध्यक्ष महन्थ ठाकुरले परिमार्जन सहित संविधान संसोधन प्रस्ताव पारित भए मधेशी मोर्चा निर्वाचनमा सहभागी हुन तयार रहेको बताउनु भएको छ
तराई मधेस लोकतान्त्रिक पार्टी जिल्ला कार्य समिति मोरङले शनिबार विहान विराटनगरमा गरेको पत्रकार सम्मेलनमा वोल्दै उहांले मधेशी मोर्चा निर्वाचनको विरोधी नभएको भन्दै निर्वाचनका लागि आफुहरुसंग भएको सम्झौता कार्यान्वयन हुनुपर्ने बताउनुभयो । अध्यक्ष ठाकुरले संविधान संशोधनका विषयमा दलहरुविच सैद्धान्तिक सहमति भएपनि अहिलेसम्म ठोस सहमति भने हुन नसकेको वताउनुभयो । उहांले सिमांकनलाई थांती राखेर निर्वाचनमा भाग लिन नसकिने वताउनुभयो ।
निर्वाचनमा सवैको सहभागिता गराउन संविधान संसोधन आवश्यक रहेको उहाको भनाई थियो । अध्यक्ष ठाकुरले निर्वाचन स्थगित गरेर मोर्चासंग भएको सम्झौता कार्यान्वयनपछि सवैको निर्वाचनमा सहभागिताहुने र निर्वाचनले सार्थकता पाउने दावी गर्नुभयो ।
